سماں جمود کا جانے یہ کب بدل جائے

سماں جمود کا جانے یہ کب بدل جائے رخِ ہوا ذرا بدلے تو سب بدل جائے

یہ رنگِ ظلمتِ حاضر کی عمر ہی کیا ہے دیوں کی لَو ہی بڑھادو تو سب بدل جائے

ہمارے درد کو آہنگ اپنا دو تو سہی گھڑِ ی نہ بیتَے فضائے طرب بدل جائے

تو کیسے اٹھے ہوئے ہاتھ شرمسار نہ ہوں دعا ہی تیری اگر زیرِ لب بدل جائے

بتاؤ کیسے نہ پھر دوستی کو ہاتھ بڑھیں اگر عناد کا واحد سبب بدل جائے

بدلتے دیکھے ہیں کہسار و وادی و صحرا عجیب کیا ہے جو طرزِ ادب بدل جائے

خوشی سے کہنا تم اشعؔر کو بے وفا لیکن و ہ شخص وقت کے ہمراہ جب بدل جائے