کوئی بھی لفظ جہاں رکھ بہت سنبھال کے رکھ

کوئی بھی لفظ جہاں رکھ بہت سنبھال کے رکھ تاءثّرات سخن میں نئے خیال کے رکھ

یہ رات کتنی اندھیری ہے اس کا خوف نہ کر دیا جو تیرے تصرّف میں ہے اُجال کے رکھ

اگر تو ہم سے طلبگارِ داد ہے تو ذرا ہمارے سامنے لفظ و بیاں کمال کے رکھ

جوابِ کم نگہی بے رُخی ابھی سے نہ سوچ کچھ اپنے ذہن میں امکاں نئے سوال کے رکھ

ہے قول و فعل میں ہر اذنِ انتخاب مگر نظر میں اپنی نتائج ذرا مآل کےرکھ

مبادا باعثِ حیرت نہ ہو یقینِ وفا خیال و فکر میں امکان احتمال کے رکھ

غزل میں اپنی اگر ہوسکے تو اے اشعؔر برائے اہلِ جنوں کچھ سُخن دھمال کے رکھ