تمام اہلِ خِرَد یہ کمال کردیں گے

تمام اہلِ خِرَد یہ کمال کردیں گے چراغِ عشق کا جلنا محال کردیں گے

کوئی مثال ہی دنیا کو مل نہ پائے کہیں غزل میں ایسا تجھے بے مثال کردیں گے

ہمارا وعدہ ہےتجھ سے کہ یہ ترا پیکر ہم اپنی بانہوں میں رشکِ جمال کردیں گے

ہمارے چہرے کو آنکھوں میں لے کے مت پھرنا وگرنہ لوگ بہت سے سوال کردیں گے

ترے حصول کی خوشیاں نہ پاسکیں گے اگر تمام زیست کو نذرِ ملال کردیں گے

ہر ایک شام مسلسل ہے انتظار کہ وہ کوئی تو شام بنامِ وصال کردیں گے

دل اپنا جب بھی کہے گا غزل کہو اشعؔر ہم اپنے فکر کو تیرا خیال کردیں گے