مجھے خوشی ہے زمانے کو یہ بتانے میں

مجھے خوشی ہے زمانے کو یہ بتانے میں چھپی ہے جیت کہیں دل کے ہارجانے میں

دلوں کو پل میں یہ دنیا اُجاڑ دیتی ہے زمانہ لگتا ہے پھر بستیاں بسانے میں

چھپائے رکھتا ہوں ہر زخم اس لیے ان سے کہ درد مٹ نہ جائے انہیں دکھانے میں

میں تجھ سے اس لیے دانستہ ہار جاتا ہوں تجھے سرور ملے گا مجھے ہرانے میں

اگرچہ حادثہ الفت کا ایک پل میں ہوا اک عمر بیت گئی واقعہ سنانے میں

یہ کام اہلِ خِرَد کو ہی زیب دیتا ہے کہ شوقِ سوُد و زیاں کیا کسی دیوانہِ میں

ہمارے جیسا کوئی اہلِ دل کہاں اشعؔر اگر ملا تو ملے گا کسی فسانہِ میں