وہ چاہتا ہے کہ ہر شکل میں نباہ کروں

وہ چاہتا ہے کہ ہر شکل میں نباہ کروں کروں نہ زخموں کی پروا نہ کوئی آہ کروں

مصوّری مرا فن ہے سو میرے ہاتھ میں ہے رکھوں سفید میں قرطاس یا سیاہ کروں

کوئی رقیب نہ ناصح کوئی ہے میری طرف میں اپنے حُسنِ طلب کا کسے گواہ کروں

کہوں میں دوست کسے اور کسے کہوں دشمن کسے گرادوں نظر سے میں کس کی چاہ کروں

نہ آئے کوئی بھی الزامِ بے وفائی اگر اُدھر نہ جائے مرا دل جدھر نگاہ کروں

قصیدے لکھنا مبارک انہیں مگر میں تو یہ سوچتا ہوں اک آئینہ نذرِ شاہ کروں

ہیں بے زبان یہ ارض و سماء تو پھر اشعؔر میں بے گناہی کا اپنی کسے گواہ کروں