عنوان کے پہلو سے تُو گمنام نہیں ہیے

عنوان کے پہلو سے تُو گمنام نہیں ہیے پر تیرے فسانہِ میں میرا نام نہیں ہے

اٹکا ہےمرا سانس اسی خوف سے اب تک قاتل تو مرا مُوردِ الزام نہیں ہے

وہ خوش ہے اگر مجھ کو ہرا کر تو یہ کہیے جذبِ دلِ ناکام بھی ناکام نہیں ہے

میخانوں کے دستور کا حصّہ ہے یہ رندو مانگو نہ ابھی جام، ابھِی شام نہیں ہے

کس پہلو قرار آئے گا جب تک کسی پہلو وہ دشمنِ جاں باعثِ آرام نہیں ہے

کیوں پھیکا پڑا جاتا ہے وہ چاند ابھی سے میرا تو ابھی چاند سرِ بام نہیں ہے

یوں رکھتا ہے مصروف مجھے اس کا تصوّر لگتا ہے کہ بس اور کوئی کام نہیں ہے

رکھنا ہے قدم دشتِ محبّت میں تو سُن لو منزل کی مُسافت کوئی دوگام نہیں ہے

آئینِ خراباتِ جہاں کیسا ہے اشعؔر پیاسوں کے مقدّر میں کوئی جام نہیں ہے