سُخن وری کا یہ جوکچھ کمال میرا ہے

سُخن وری کا یہ جوکچھ کمال میرا ہے عطا خدا کی ہے لیکن خیال میرا ہے

کچھ آگہی کی طلب میں رہوں میں سرگرداں یہ جستجو ہی تو حسنِ مآل میرا ہے

کمالِ عشق نہ کہیے اسے تو کیا کہیے جو تیرا سحر ہے وہ سب خیال میرا ہے

زمانہ ایسا تو پہلے کہیں رقم ہی نہیں تو یعنی عرصۂ قحط الرجال میرا ہے

نہیں ہے فرق من و تو کوئی بھی اس کے سوا تمام رفعتیں تیری زوال میرا ہے

یہ میری آبلہ پائی مثال قیسِ عرب اسے گراں ہے مگر دل نہال میرا ہے

لبوں پہ اب مرے کوئی گلہ کہاں اشعؔر تم آکے دیکھ تو جاؤ جو حال میرا ہے