میں خونِ دل سے کہوں گا کہ اب خدا کے لیے

میں خونِ دل سے کہوں گا کہ اب خدا کے لیے برسنا چھوڑ دے آنکھوں سے بے وفا کے لیے

عذابِ فرقتِ پیہم کو عدل کیسے کہوں رفاقتوں کی گواہی تو ہو سزا کے لیے

میں بجھ گیا ہوں مگر اور سب تو روشن ہیں کسی دیے کو تو بجھنا ہی تھا ہوا کے لیے

وہ تجھ سے میری عقیدت کے لالہ و گل تھے مری نظر نے جو بوسے تری حیا کے لیے

مری زبان کو اکثر بہ اذنِ ربّ ِ کریم قبول ہو کے ملے حرف مُدّعا کے لیے

وہ چارہ گر تھا مگر چارہ گر بھی کیا کرتا ہوئے نہ زخم ہی مائل کسی دوا کے لیے

سنوارنے میں جسے عمر کٹ گئی اشعؔر بس ایک لمحہ بہت ہے اسے فنا کے لیے