وہ نہ گر بددعا کرے کوئی

وہ نہ گر بددعا کرے کوئی زندگی تیرا کیا کرے کوئی

ہم چلو بے وفا سہی لیکن با وفا تو وفا کرے کوئی

دشمنی، دوستی، وفا، نفرت کچھ تو بے انتہا کرے کوئی

اپنی دھڑکن میں ہو مجھے محسوس میرے دل میں رہا کرے کوئی

اپنا دل اپنی جان نذر کروں میرے در پر صدا کرے کوئی

زندگی، موت، وصل، ہِجَرِ دوام کوئی تو فیصلہ کرے کوئی

چاکِ دل سب کھلے ہوئے ہیں مرے بخیہ گر ہے، ہُوا کرے کوئی

انتہائے جُنوں بھی پالے گا عشق کی ابتدا کرے کوئی

بھیج کر عکسِ تشنہ لب اشعَؔر مجھ کو دریا لکھا کرے کوئی